बैतडी- बैतडीको कृष्ण मावि पाटन र सनातन धर्म मावि श्रीकोटमा राष्ट्रिय सेवा दल (एनसीसी) तालिम सुरु भएको  छ ।  नेपाली सेनाले  सोमबार देखि राष्ट्रिय सेवा दल (एनसीसी) तालिम सुरु गरेको हो । विद्यार्थीहरुलाई  तालिम दिन थालिएको  हो  ।

बैतडीमा रहेको नेपाली सेनाको हनुमानध्वज गुल्मले दोगडाकेदार गाउँपालिका ३ श्रीकोटमा रहेको सनातन धर्म मावि, खोचलेक र पाटन नगरपालिका ६ मा रहेको श्रीकृष्ण माविमा एनसीसी तालिम सुरु गरेको बैतडीको  गढीमा रहेको  हनुमानध्वज गुल्मका गुल्मपती,सेनानी प्रल्हाद थापाले जानकारी दिए ।

विद्यालयहरुमा  जुनियर राष्ट्रिय सेवा दल तालिम प्रदान गर्न थालिएको उनले  बताए। विद्यालयमा माध्यमिक तहका १८÷१८ छात्र÷छात्रा छनोट गरी तालिम दिन थालिएको छ ।  

कुल एकसय दिनसम्म सञ्चालन हुने तालिममा राष्ट्रिय एकताको भावना विकास ,अनुशासनलगायतका कुराहरु सिकाइने सेनानी थापाले बताए। यसका साथै विपद्को बेला एनसीसी तालिम गरेका विद्यार्थीहरुलाई परिचालन गरिने र यसले विपद् व्यवस्थापनमा पनि सहयोग पुग्ने अपेक्षा गरिएको  छ ।