बैतडी- वर्षातले बिग्रिएका कतिपय बैतडीका ग्रामीण सडकहरु नबन्दा यात्रुहरुलाई सास्ती भएको छ । वर्षातको समयमा पानीका कारण ठाउँ ठाउँमा खाल्टा खुल्टी परेर बिग्रिएका सडक समयमै मर्मत नहुँदा ओहोरदोहर गर्ने यात्रुहरुलाई अहिले सास्ती भएको हो ।
वर्षातले बिग्रिएका सडक नबन्दा जोखिम मोलेर यात्रा गर्नेु परेको यात्रुहरुको गुनासो छ । जिल्लाका विभिन्न पालिका भित्र रहेका ग्रामीण सडकहरु वर्षातका कारण बिग्रिएका छन् । बर्षातले भत्कीएर, खाल्टा खुल्टी परे पनि सम्बन्धित निकायले समयमै मर्मत नगरिदिदा समस्या भएको पुर्चौडीका स्थानीय लक्ष्मण बोहराले बताए ।
बित्थड सुइलेक कुवाकोटको सडक बन्द भएको २ महिना पूरा भएपनि अझ्र सुचारु नभएको उनले बताए । गौरा पर्व मनाउन अहिले धेरै जना जन्मभुमी फर्किरहेपनि बाटोको अवस्था ठिक नहुँदा समस्या भएको उनले बताए । वर्षादले सडकखण्डको हालत खराब भएपनि स्थानीय सरकारको ध्यान नगएको नागरिकहरुको आरोप छ।
