बैतडी- बैतडीकी कल्पना अहिले सम्म भेटिएकी छैनन् । गत असोज २५ गते बेपत्ता भएकी जिल्लाको सुर्नया गाउँपालिका ८ दोराकी २० बर्षीया कल्पना महरा अहिले सम्म नभेटिएकी हुन् ।
असोज २५ गते साँझबाट बेपत्ता कल्पना अहिले सम्म सम्पर्कमा नआएकी आफन्त मान बहादुर महराले जानकारी दिए । घर नजिकैको खरबारिमा गोरु चराउन गोठालो गएकी कल्पनाको अहिले सम्म अत्तोपत्तो नलागेको उनले बताए ।
कल्पनाका काका महराले भतिजि बेपत्ता भएको झण्डै दुइ महिना हुनै लाग्दा समेत न सास न लास केहि पनि फेला नपरेको बताए । कल्पना हराएपछि सबै ठाउँमा सोधखोज गरिएको भएपनि कतै फेला नपरेकी पारिवारिक स्रोतको भनाई छ ।
आफन्तहरुका अनुसार कल्पनामा कहिलेकाँही मुर्छा पर्ने र बेहोस हुने लक्षण समेत देखिने गरेका थिए । कल्पना बेपत्ता भएपछि आफन्तहरुले प्रहरीमा समेत निवेदन दिएका थिए । यता प्रहरीले पनि खोजतलास गर्दा कल्पना कतै नभेटिएकी र अहिले पनि खोजि कार्य जारी रहेको जनाएको छ ।
गहुँगोरो वर्ण,कालो सुरुवाल र सेतो बुट्टा भएको सुट लगाएकी उनलाई कतै भेट नजिकको प्रहरीमा खबर गरिदिन आग्रह गरिएको छ ।