बैतडी- बैतडीका एक किशोर भारतमा बेपत्ता भएका छन् । जिल्लाको पाटन नगरपालिका वडा नं ४ ढकाली अनरकट्या घरभएका  लोग सिंह विष्ट नामले  चिनिने  १८ वर्षिय  दानसिंह विष्ट भारतको बेंगलोरबाट  बेपत्ता भएका हुन् । यहि मंसिर ८ गतेबाट विष्ट बेपत्ता भएका उनका भिनाजु लोक साउदले जानकारी दिए ।

उनका अनुसार  विष्ट  बेंगलोर म्यासोर कर्नाटक स्थित होटल फेबरेटमा काम गर्दथे । बिहान १० बजे डिउटिका लागि हिँडेका उनि अहिले सम्म सम्पर्कमा नआएका बताइएको छ । सबै ठाउँमा खोजतलास गर्दापनि कतै नभेटिएका बेपत्ता विष्टका भिनाजु साउदले बताए ।

विष्ट कामको सिलसिलामा पाँच महिना पहिले भारत गएका थिए ।सम्पर्क विहिन भएका विष्ट कहिंकतै भेटे खबर गरिदिन आफन्तहरुले सबैमा अनुरोध गरेका छन् ।