बैतडीमा ६५ हजार बढीको भन्सार छलीको सामान बरामद
बैतडी- बैतडीमा भन्सार छलीको सामान बरामद गरिएको छ । प्रहरीले भन्सार छली गरि भारतबाट ल्याउँदै गरेको बेवारिसे सामान बरामद गरेको हो ।
६५ हजार ६७० मूल्य बराबरको सामान बरामद गरिएको जिल्ला प्रहरी कार्यालय बैतडीका प्रहरी प्रमुख,प्रहरी नायब उपरीक्षक दीपक गिरीले जानकारी दिए ।
भारतबाट भन्सार छलि सामान ल्याइरहेको विशेष सूचनाको आधारमा दशरथचन्द नगरपालिका १० बाट उक्त सामान बुधबार राति बरामद गरिएको उनले बताए ।
मसला,तेल, घण्टी, चकलेट लगायको सामान बरामद गरिएको बताइएको छ । बरामद गरिएको उक्त सामान कस्को हो भन्ने खुल्न सकेको छैन् । बरामद गरिएको सामानलाई प्रहरीले महाकाली भन्सार कार्यालय,झुलाघाट बुझाइसकेको जिल्ला प्रहरी कार्यालय बैतडीले जनाएको छ।
प्रकाशित मिति: बिहीबार, मंसिर २१, २०८० १८:०३
प्रतिक्रिया दिनुहोस्
साताको लोकप्रीय
