दार्चुलाको घुसा केन्द्रबिन्दु भएर ४ दशमलव ६ रेक्टर स्केलको भूकम्प
दार्चुला –दार्चुलाको घुसा केन्द्रबिन्दु भएर ४ दशमलव ६ रेक्टर स्केलको भूकम्प गएको छ ।
आइतबार बिहान ८ बजेर २८ मिनेटमा अपिहिमाल गाउँपालिकाको घुसा केन्द्रबिन्दु भएर ४ दशमलव ६ रेक्टर स्केलको भूकम्प गएको भूकम्प मापन केन्द्र सुर्खेतका प्रमुख चिन्तन तिमिल्सिनाले जानकारी दिए ।
उक्त भूकम्पको धक्का दार्चुला, बैतडीसहित आसपासका जिल्लामा महसुस गरिएको छ ।
नेपालको पश्चिमी क्षेत्रमा भूकम्पीय जोखिम रहेको भूकम्पविद्हरुले बताउँदै आएका छन् । पश्चिमी क्षेत्रमा ठूलो भूकम्प नगएको ५ सय बर्षभन्दा बढी भइसकेकाले यो क्षेत्रमा भूकम्पीय जोखिम उच्च रहेको तिमल्सिनाले बताए ।
स–साना भूकम्प जानुले पनि जमीनभित्र भूकम्पीय शक्ति सञ्चित रहेको कुरा पुष्टि हुने गरेको तिमल्सिनाले बताए ।
प्रकाशित मिति: आइतबार, मंसिर २१, २०८२ ०९:००
प्रतिक्रिया दिनुहोस्
साताको लोकप्रिय
