काठमाण्डौ – प्रतिनिधिसभाको हिजोको बैठकमा भएको घटनाबारे छानबिन गर्न सभामुख डोलप्रसाद (डीपी) अर्यालले समिति गठन गरेका छन् । 

सदन अवरोध गर्दा अमर्यादित र आपत्तिजनक व्यवहार गरेको बताउँदै सभामुख अर्यालले समिति गठन गरेका हुन् । सचिव प्रकाश अधिकारीको संयोजकत्वमा सङ्घीय संसद्को आन्तरिक सेवा तथा योजना व्यवस्थापन महाशाखाका प्रमुख र प्रविधि व्यवस्थापन महाशाखा प्रमुख सदस्य रहेको समिति गठन गरेको उनले सभालाई जानकारी गराए । समितिले ७ दिनभित्र प्रतिवेदन तयार पार्नेछ ।

बैठकलाई नियमित कार्यसूचीमा लैजान बारम्बार प्रयास गरे पनि विपक्षीहरूले अवरोध कायम राखेपछि सभामुख अर्यालले समिति गठनबारेमा जानकारी गराउँदै बैठक भोलि दिउँसो १ बजेसम्मका लागि स्थगित गरेका हुन् ।