थाइल्याण्डस्थित नेपाली दूतावासले कानुनी आधारबिना कम्बोडियामा लुकिछिपी बसिरहेका नेपाली नागरिकहरूलाई यही जेठ २९ गतेभित्र अनिवार्य रूपमा नेपाल फर्कन कडा अनुरोध गरेको छ।

भिसाको अवधि सकिएर पनि गैरकानुनी रूपमा बसिरहेका ६ सय २ जना नेपालीहरूलाई कम्बोडिया सरकारसँग समन्वय गरी भिसा शुल्क र जरिवाना मिनाहा गराएर नेपाल फर्कने व्यवस्था मिलाइएको थियो। तर, दूतावासले इमेल, फोन र ह्वाट्सएपमार्फत पटक(पटक सम्पर्क गर्दा पनि ती नेपालीहरूले फर्कन चासो नदेखाएको पाइएको छ।

दूतावासका अनुसार कम्बोडियाको नयाँ र कडा कानुनी व्यवस्थाअनुसार तोकिएको समय ९जेठ २९० भित्र स्वदेश नफर्कने विदेशी नागरिकहरू तत्काल पक्राउ पर्नेछन्। उनीहरूलाई कसुरको प्रकृति हेरी ५ लाख अमेरिकी डलर ९करिब साढे ६ करोड नेपाली रुपैयाँ० सम्म जरिवाना र आजीवन काराबास ९जेल० सम्मको कडा सजाय हुन सक्ने चेतावनी दूतावासले दिएको छ।