पाटन नगरपालिकामा नयाँ प्रमुख प्रशासकीय अधिकृत अञ्जु चौधरी हाजिर
बैतडी–बैतडीको पाटन नगरपालिकामा नयाँ प्रमुख प्रशासकीय अधिकृत अञ्जु चौधरी आज हाजिर भएकी छन् ।
उपसचिव चौधरीलाई भूमि व्यवस्था, सहकारी, संघीय मामिला तथा सामान्य प्रशासन मन्त्रालयले केही दिन पहिला पाटन नगरपालिकाको प्रमुख प्रशासकीय अधिकृतमा खटाएको थियो ।
प्रमुख प्रशासकीय अधिकृत चौधरी हाजिर भएसँगै नगरपालिकाका आर्थिक तथा प्रशासनिक कामहरु अगाडि बढ्ने बताइएको छ ।
नयाँ प्रमुख प्रशासकीय अधिकृत चौधरीलाई आज एक कार्यक्रमकाबीच नगरपालिकामा स्वागत गरिएको नगर प्रमुख गौरीसिंह रावलले बताए । नगर प्रमुखसहितका जनप्रतिनिधि र कर्मचारीहरुले प्रमुख प्रशासकीय अधिकृत चौधरीको स्वागत गरेका हुन् ।
प्रकाशित मिति: शुक्रबार, कात्तिक १३, २०८३ १२:१६
प्रतिक्रिया दिनुहोस्
साताको लोकप्रिय
