प्रमुख जिल्ला अधिकारी जोशीको बिदाई
बैतडी, ३१ चैत
बैतडीका प्रमुख जिल्ला अधिकारी मोहनराज जोशीको बिदाई गरिएको छ । बैतडीबाट रुपन्देहीको सहायक प्रमुख जिल्ला अधिकारीको रुपमा सरुवा भएपछि जोशीको मंगलबार बिदाई गरिएको हो । रेडियो निङ्गलाशैनी परिवारले पनि प्रमुख जिल्ला अधिकारी जोशीलाई एक कार्यक्रमको आयोजना गरेर बिदाई गरेको छ ।
बैतडीमा बस्दा सहयोग गरेको भन्दै प्रमुख जिल्ला अधिकारी जोशीलाई मायाको चिनो सहित बिदाई गरिएको प्रबन्ध निर्देशक महेश अवस्थीले बताए । प्रमुख जिल्ला अधिकारी जोशीलाई खादा ओढाउनुका साथै मायाको चिनो प्रदान गरिएको हो ।
प्रमुख जिल्ला अधिकारी जोशीले आफू सरुवा भएर गएपनि बैतडीका लागि आफूले सक्ने कार्य गर्ने बताए । प्रमुख जिल्ला अधिकारी जोशीको सरुवा भएपछि बैतडीमा राजेन्द्रदेव पाण्डे नयाँ प्रमुख जिल्ला अधिकारीको रुपमा आउने गृहमन्त्रालयले जनाएको छ ।
प्रकाशित मिति: मंगलबार, चैत ३१, २०७७ १४:४८
प्रतिक्रिया दिनुहोस्
थप बैतडी
साताको लोकप्रीय
