काठमाण्डौं –नेपाल शिक्षक महासंघ राष्ट्रिय समितिले सदनमा दर्ता भएको शिक्षा विधेयकलाई लिएर सडक आन्दोलन शुरु गरेको छ ।
बुधबार देशभरिका विद्यालय बन्द गरी समितिले काठमाडौं केन्द्रित आन्दोलन गरेको हो ।
शिक्षा विधेयकले अस्थायी प्रकृतिका शिक्षकहरूको स्थायित्व, विद्यालय कर्मचारीको दरबन्दी सिर्जना, विद्यालय संरचना बाहिर रहेका बाल कक्षा शिक्षकहरूको सवाल, अस्थायी अवधि गणना तथा निवृत्तिभरण, शिक्षक बढुवा, प्रधानाध्यापक नियुक्ति, सरूवा र कार्यसम्पादन मूल्यांकन लगायतका विषयमा सम्बोधन गर्न नसकेको भन्दै महासंघले आन्दोलन गरेको हो ।
आन्दोलनका लागि देशभरका शिक्षकहरु संघीय राजधानी काठमाण्डौं पुगेका छन् । शिक्षा विधेयकले सार्वजनिक शिक्षा प्रणाली तहसनहस गर्ने भन्दै आन्दोलनमा उत्रिनुपरेको महासंघले जनाएको छ ।
आन्दोलनमा देशभरीबाट १५ हजार बढी शिक्षकहरुको सहभागिता रहने अनुमान गरिएको छ ।
