बैतडी –नेपाल कम्युनिष्ट पार्टीका महासचिव नेत्र विक्रम चन्द (विप्लव)ले बैतडीको खोड्पेमा पार्टीका नेता कार्यकर्ताहरुसंग भेटघाट तथा छलफल गरेका छन् ।
भूकम्प पीडितहरुको अवस्था बुझ्नका लागि बझाङ जाने क्रममा शनिबार बैतडीको खोड्पेमा महासचिव विप्लवले पार्टीका नेता कार्यकर्ताहरुसंग छलफल गरेको नेपाल कम्युनिष्ट पार्टीका बैतडी सेक्रेटरी श्याम भट्टले बताए । उनले भने ‘महासचिवज्यू बझाङ जानका लागि आउनु भएको हो । खोड्पेमा समान्य भेटघाट तथा छलफल भएको छ ।’
यस्तै महासचिव विप्लवसंग पाटन नगरपालिका वडा नं ८ का वडा अध्यक्ष हरिश बिष्ट, पाटन नगरपालिका वडा नं ९ का अध्यक्ष कालुसिंह भाट लगायतका जनप्रतिनिधिहरुले पनि भेटघाट गरेका छन् । भेटका क्रममा विभिन्न समसामयिक बिषयमा छलफल भएको पाटन नगरपालिका वडा नं ८ का वडा अध्यक्ष बिष्टले बताए ।
यही असोज २९ गते समाजवादी मोर्चाको धनगढीमा हुने सभाका लागि विप्लव सुदूरपश्चिम आएको बुझिएको छ । उनी बझाङपछि धनगढी जाने कार्यक्रम रहेको नेपाल कम्युनिष्ट पार्टी बैतडीले जनाएको छ ।
