अपडेट - राप्ती नदीमा बस खस्दा पाँच यात्रुको मृत्यु
दाङको भालुवाङस्थित राप्ती पुलबाट यात्रुबाहक बस खस्दा पाँचजनाकाे मृत्यु भएको छ । मृत्यु हुनेको पहिचान खुलेको छैन ।
इलाका प्रहरी कार्यालय भालुवाङका प्रहरी निरीक्षक उज्ज्वल सिंहका अनुसार शवहरू गाडीले च्यापिएको अवस्थामा रहेका छन् । शव निकाल्ने प्रयास भइरहेको उनले जानकारी दिए ।
नेपालगन्जबाट काठमाडौं जाँदै गरेको भे. १ख ३९१२ नम्बरको यात्रुबाहक बस शुक्रबार राति साढे १० बजेतिर पुलबाट एक्कासी नदीमा खसेको हो ।
बसको आधा भाग पानीमा र आधा बाहिर रहेको छ । दुर्घटनामा घाइते भएकाहरूलाई उद्धार गरेर उपचारका लागि भालुवाङ अस्पतालमा लगिएको छ ।
#Nayapatrika
प्रकाशित मिति: शुक्रबार, पुस २७, २०८० २३:२३
प्रतिक्रिया दिनुहोस्
थप राष्ट्रिय
साताको लोकप्रीय
