स्याउला काट्ने क्रममा लडेर बैतडीमा एक महिलाको मृत्यु
बैतडी- बैतडीमा लडेर एक महिलाको मृत्यु भएको छ । जिल्लाको सिगास गाउँपालिका वडा नं ४ गढतोला शैनीकी ४६ वर्षिया हरुलीदेवी बोहराको स्याउला काट्ने क्रममा रुखबाट लडेर मृत्यु भएको हो ।
बिहीवार घर नजिकैको खरबारीमा बाख्राका लागि स्याउला काट्ने क्रममा बोहरा रुखबाट लडेर गम्भीर घाइते भएकी थिइन् ।
घाइते बोहरालाई उपचारका लागि अस्पताल लैजाँदै गर्दा बाटोमा मृत्यु भएको सिगास गाउँपालिका वडा नं ४ का वडा अध्यक्ष हरि सिंह बोहराले बताए । मृत्युवरण गरेकी बोहराको घरमा श्रीमान र तीन छोरा रहेका बताइएको छ।
प्रकाशित मिति: शुक्रबार, चैत २, २०८० ०७:५५
प्रतिक्रिया दिनुहोस्
थप बैतडी
-1713583843.jpeg)
साताको लोकप्रीय
