बैतडी- बैतडीको सुर्नया गाउँपालिकामा नेकपा एमालेले नयाँ नेतृत्व चयन गरेको छ । शनिवार सम्पन्न दोस्रो गाउँकमिटीको अधिवशेनले नयाँ नेतृत्व चयन गरेको हो ।
नेकपा एमाले सुदूरपश्चि प्रदेश कमिटी सदस्य जयन्त कुँवरको प्रमुख आतिथ्यता तथा एमाले बैतडी उपाध्यक्ष लोकेन्द्र भण्डारीको विशिष्ट आतिथ्यतामा सम्पन्न अधिवेशनले अध्यक्ष पदमा पदम अवस्थीलाई सर्वसम्मत चयन गरेको छ । यस्तै उपाध्यक्षमा निरन्जन बिष्ट, सचिवमा कृष्ण बिष्ट र उप सचिवमा बिक्रम कुँवर र बिनिता राई विष्ट चयन भएका छन् ।
अधिवेशनले प्रमुख पदाधिकारी सहित ४५ सदस्यीय सुर्नया गाउँ कमीटी चयन गरेको एमालेका युवा नेता बिक्रम विष्टले जानकारी दिए । नेकपा एमाले सुर्नया गाउँ कमिटी अध्यक्षमा चयन भएका अवसस्थीले पार्टीलाई बलियो बनाउन तर्फ आफु लागि पर्ने बताएका छन् ।
निर्वतमान गाउँ कमिटी अध्यक्ष राजेन्द्र प्रशाद भट्टको सभाध्यक्षतामा सुर्नया ५ मा सम्पन्न अधिवेशनमा एमालेका नेता तथा कार्यकर्ताहरुको सहभागिता रहेको थियो ।
