बैतडी–बैतडीको दोगडाकेदार गाउँपालिकाले चालु आर्थिक बर्षमा ८५ दशमलव ८१ प्रतिशत बित्तीय प्रगति भएको जनाएको छ । गाउँपालिकाले चालु आर्थिक बर्षका लागि ५४ करोड १ लाख ५२ हजार ४ सय रुपैयाँ बजेट विनियोजन गरेकोमा ४६ करोड ३५ लाख ५२ हजार ३ सय ४२ रुपैयाँ खर्च भएको छ ।
गाउँपालिकाले चालु खर्चतर्फ ४० करोड ६६ लाख ९४ हजार ८ सय ६६ रुपैयाँ विनियोजन गरेकोमा ३४ करोड ९३ लाख ५ हजार ७ सय ७१ रुपैयाँ खर्च भएको छ । यसरी चालु खर्चतर्फ ८५ दशमलव ९० प्रतिशत बित्तीय प्रगति भएको गाउँपालिकाका प्रमुख प्रशासकीय अधिकृत रविन्द्रबहादुर धामीले बताए ।
यस्तै गाउँपालिकाले पूँजीगत खर्चतर्फ १३ करोड ३४ लाख ५७ हजार ५३३ रुपैयाँ विनियोजन गरेकोमा ११ करोड ४१ लाख ९५ हजार ५ सय ७० रुपैयाँ खर्च भएको जनाएको छ । यसरी पूँजीगततर्फ ८५ दशमलब ५६ प्रतिशत बित्तीय प्रगति भएको प्रमुख प्रशासकीय अधिकृत धामीले बताए ।
चालु आर्थिक बर्षको बजेट, नीति तथा कार्यक्रम सफल बनाउन सहयोग गर्ने सबै जनप्रतिनिधि, कर्मचारी र सरोकारवालाहरुलाई गाउँपालिकाले धन्यवाद समेत दिएको छ ।
