मकवानपुरमा माइक्रोबस दुर्घटना : १० जनाको मृत्यु, ५ जना घाइते
काठमाण्डौ– मकवानपुरको भीमफेदी गाउँपालिका–६ चिसापानी गढीमा आज बिहान माइक्रोबस दुर्घटना हुँदा १० जनाको मृत्यु भएको छ । मृतकको पहिचान खुल्न बाँकी छ । पाँच जना घाइते भएका सशस्त्र प्रहरी बलले जनाएको छ । काठमाण्डौबाट सर्लाहीका लागि छुटेको माइक्रोबस दुर्घटना भएको हो ।
माइक्रोबसमा रहेका १५ जनामध्ये १० जनाको मृत्यु भएको र पाँच जना घाइते भएको प्रारम्भिक विवरण छ । दुर्घटनामा घाइते भएकाहरूको नेपाल प्रहरी, नेपाली सेना र सशस्त्र प्रहरीको टोलीले उद्धार गरेका छन् ।
मधेश प्रदेश ०३–००१ ज ०८–८८० नम्बरको माइक्रोबस बिहान ६ बजेतिर दुर्घटना भएको हो ।
प्रकाशित मिति: बिहीबार, कात्तिक २६, २०८३ ०९:०९
प्रतिक्रिया दिनुहोस्
साताको लोकप्रिय
