बैतडीको सुर्नयामा पाँच दिने निःशुल्क दन्त तथा स्त्री रोगसम्बन्धी स्वास्थ्य शिविर शुरु

बैतडी–बैतडीको सुर्नया गाउँपालिकामा आजदेखि पाँच दिने निःशुल्क दन्त तथा स्त्री रोगसम्बन्धी स्वास्थ्य शिविर शुरु भएको छ । 

युनाइटेड नेपाल फाउण्डेसन भक्तपुर, सगरमाथा हेल्थ फाउण्डेसन महाराजगञ्ज र हेल्थ केयर नेपालको आयोजना तथा सुर्नया गाउँपालिकाको समन्वयमा आजदेखि निशुल्क स्वास्थ्य शिविर सञ्चालन भएको युनाइटेड नेपाल फाउण्डेसनका अध्यक्ष केशवबहादुर चन्दले बताए । उक्त शिविर मंसिर ६ गते सम्म सञ्चालन हुने उनले बताए । 

स्थानीयस्तरमा नागरिकहरुलाई स्वास्थ्य सेवा दिने उद्देश्यले शिविरको आयोजना गरिएको अध्यक्ष चन्दले बताए । शिविरमा आएर सेवा लिन समेत आग्रह गरिएको छ । 

पाँच दिन सम्म सञ्चालन हुने शिविरले स्थानीय नागरिकको स्वास्थ्य सेवामा पहुँच बढ्ने विश्वास लिइएको छ । दाँत सम्बन्धी समस्या भएका नागरिक र स्त्रीरोग सम्बन्धी समस्या भएकाहरुलाई शिविरमा सेवा दिइने बताइएको छ । 

शिविरमा स्त्री रोग बिशेषज्ञ डा.पदमराज पन्त, दन्त रोग बिशेषज्ञ डा.दिपकराज जोशी लगायतको टोलीले सेवा दिइरहेको चन्दले जानकारी दिए । 

प्रकाशित मिति: बुधबार, मंसिर २, २०८३  १४:४२
प्रतिक्रिया दिनुहोस्
Weather Update