Sagun Khabar
कक्षा १२ को परीक्षा तालिका परिवर्तन

काठमाडौं : राष्ट्रिय परीक्षा बोर्ड, परीक्षा नियन्त्रण कार्यालयले कक्षा १२ को परीक्षाको समय तालिकामा फेरबदल गरेको छ। बोर्डले आइतबार सूचना प्रकाशित गरी आगामी जेठ १६ देखि २५ गतेसम्म सञ्चालन हुने १२ को वार्षिक परीक्षामा केही परिवर्तन गरेको जनाएको छ। 

सूचनामा कक्षा १२ को वार्षिक परीक्षा बिहान ८ देखि ११ बजेसम्म हुने उल्लेख छ। यसअघि बोर्डले बिहान ११ देखि अपराह्न २ बजेसम्म परीक्षा सञ्चालन गर्ने समय तालिका सार्वजनिक गरेको थियो।

विभिन्न सरोकारवालाले समय तालिका परिवर्तन गरिदिन अनुरोध गरेपछि समय तालिका परिवर्तन गरिएको बोर्डले जनाएको छ।

Atrya hospital

प्रकाशित मिति: आइतबार, वैशाख ११, २०७९  १४:५७
प्रतिक्रिया दिनुहोस्
Weather Update