हत्या आरोपमा बाजुराका एक वडाअध्यक्ष प्रक्राउ

सगुन खबर बिहीबार, मंसिर १५, २०७९

हत्या आरोपमा बाजुराका एक वडाअध्यक्ष प्रक्राउ

धनगढी– बाजुराको त्रिवेणी नगरपालिका वडा नम्बर ७ का वडाध्यक्ष जुद्धबहादुर अयडी पक्राउ परेका छन्। जिल्ला प्रहरी कार्यालय बाजुराका अनुसार नेकपा एमालेको विद्यार्थी संगठन अनेरास्ववियुका केन्द्रिय सदस्य चेतन अयडीको हत्या आरोपमा उनी पक्राउ परेका हुन्।

चेतनका आफन्तले हत्यामा संलग्न भएको आरोप लगाउदै वडा अध्यक्षसहित २२ जना विरुद्ध किटानी जाहेरी दिएका थिए। जिल्ला प्रहरी कार्यलय बाजुराका प्रमुख सूर्य थापाले चेतन मृत्यु प्ररकरणमा किटानी जाहेरी आएपछि वडा अध्यक्षलाई प्रक्राउ गरेको वताए। उक्त घटनाको आरोपमा तीन जनालाई प्रहरीले नियन्त्रणमा लिएको थापाले बताएका छन्।

विद्यार्थी नेता चेतनको हत्या आरोपमा अहिलेसम्म तीन जना प्रहरीको नियन्त्रणमा छन्। एक जनालाई सोधपुछपछि छोडिएको छ। उनीहरुको नाम भने प्रहरीले सार्वजनिक गरेको छैन। असोज ४ गतेको प्रदेश र प्रतिनिधि सभा सदस्यको मतदानका क्रममा जिल्लाको त्रिवेणी नगरपालिका वडा नम्बर ७ को नाटेश्वरी आधारभुत बिद्यालयमा विवाद भएको थियो।

प्रकाशित मिति: बिहीबार, मंसिर १५, २०७९ १४:१७