बैतडी –राष्ट्रिय प्रजातन्त्र पार्टी (राप्रपा)को भगिनी संगठन राष्ट्रिय प्रजातान्त्रिक महिला संगठनले बैतडी सदरमुकाममा तिज बिशेष सांस्कृतिक कार्यक्रम सम्पन्न गरेको छ । बैतडी निर्माण व्यवसायी संघको हलमा कार्यक्रम सम्पन्न गरिएको हो ।
हिन्दू महिलाहरुको महान पर्व तिजको अवसरमा शुभकामना आदानप्रदान गर्ने उद्देश्यसहित कार्यक्रमको आयोजना गरिएको राप्रपा बैतडीका अध्यक्ष इन्द्रदेवशरण भट्टले बताए ।
राष्ट्रिय प्रजातान्त्रिक महिला संगठनका अध्यक्ष नवीना शाही चन्दको अध्यक्षतामा सम्पन्न भएको कार्यक्रममा राप्रपाका प्रदेश समिति सदस्य दुर्गादत्त पन्त प्रमुख अतिथी रहेका थिए । यस्तै राप्रपा बैतडीका अध्यक्ष इन्द्रदेवशरण भट्ट र उपाध्यक्ष अम्बिका भण्डारी बिशिष्ट अतिथी रहेका थिए ।
तिज बिशेष कार्यक्रममा राप्रपा आवद्ध नेता कार्यकर्ताका साथै अन्य नागरिकको समेत सहभागिता रहेको थियो ।
