डडेल्धुराबाट सुन चोरेर फरार : रौतहटमा पक्राउ
डडेल्धुरा –डडेल्धुराबाट सुन चोरेर फरार रहेका दुई जना पक्राउ परेका छन् ।
रौतहट चन्द्रपुर–९ का ४० वर्षीय सुरेन्द्र विश्वकर्मा र सप्तरी दुहबी नगरपालिका–४ का ४४ वर्षीय शंकर विश्वकर्मा विहीबार साँझ रौतहटको चन्द्रपुर नगरपालिका–४ चन्द्रनिगाहपुरबाट पक्राउ परेका हुन् ।
पक्राउ परेका दुवै जनालाई जिल्ला प्रहरी कार्यालय डडेलधुराका प्रहरी निरीक्षक कुसुम नायकको जिम्मा लगाइएको रौतहट प्रहरी प्रमुख एसपी महेन्द्रकुमार श्रेष्ठले बताए ।
डडेल्धुराको अमरगढी नगरपालिका–५ स्थित विजय साह सोनारको सुनचाँदी पसलमा गत १४ गते २० ग्राम सुन चोरी भएको थियो । उनीहरु सुन चोरीको आरोप पछि फरार रहेका थिए । उनीहरुलाई पक्राउ गरिएको प्रहरी निरीक्षक नायकले बताए ।
प्रकाशित मिति: शुक्रबार, फागुन २५, २०८० १६:४४
प्रतिक्रिया दिनुहोस्
-1713583843.jpeg)
साताको लोकप्रीय
