होलीबाट संकलित रकम सामाजिक कार्यमा खर्च गरिने
बैतडी –बैतडीमा सत्यम् शिवम् सुन्दरम् समाजले होली खेलेर संकलन भएको रकम सामाजिक कार्यमा खर्च गर्ने जनाएको छ । दशरथचन्द नगरपालिका १ गुरुखोलास्थित समाजले होली खेलेर यो बर्ष १ लाख ३५ हजार रुपैयाँ संकलन गरेको छ ।
विगत तीन बर्षदेखि होली खेल्दै आएको समाजले हरेक बर्ष संकलित रकम सामाजिक कार्यमा खर्च गर्दै आएको होली कमिटिका संयोजक महेशराज भट्टले बताए ।
यो बर्ष संकलन भएको रकमले टेन्ट किन्ने निर्णय भएको उनले बताए । गाउँमा विवाह, ब्रतबन्ध र अन्य सामाजिक कार्य गर्दा टेन्टको आवश्यकता पर्ने भएकाले टेन्ट किन्ने निर्णय भएको उनले बताए ।
गत बर्ष समाजले होलीबाट संकलित रकमले भाँडाकुडा खरीद गरेको थियो । यसअघि किर्तन भजनका लागि वाद्यवाधनका सामग्री समेत खरीद गरिएको समाजका अध्यक्ष भुवनराज भट्टले बताए ।
समाजले गाउँमा नशामुक्त अभियान समेत सञ्चालन गरेको जनाएको छ ।
प्रकाशित मिति: सोमबार, चैत १९, २०८० १६:४८
प्रतिक्रिया दिनुहोस्
-1713583843.jpeg)
साताको लोकप्रीय
