बैतडीको डिलासैनीका एक युवकको भारतमा मृत्यु
बैतडी – रोजगारीको सिलसिलामा भारतमा रहेका बैतडीको डिलासैनी गाउँपालिका घर भएका एक युवकको मृत्यु भएको छ ।
डिलासैनी गाउँपालिका ३ घर भई हाल भारतको बेङ्लोरमा काम गर्दै आएका २६ बर्षीय दिपक बोहराको सोमबार मृत्यु भएको डिलासैनी गाउँपालिका वडा न.३का वडा अध्यक्ष रघुबिर बोहराले जानकारी दिए ।
लामो समय देखि उपचार गराउदै आएका बोहराको हिजो अस्पतालबाट फर्कि कोठामा पुगेपछि मृत्यु भएको जनाइएको छ । करिब ५ बर्ष अगाडि घरबाट रोजगारीका लागि बेङ्लोर गएका बोहरा उतै अस्ताएपछि घरपरिवारको विचल्ली भएको छ ।
मृतक बोहराकी श्रीमती पनि रोजगारिकै सिलसिलामा भारतमा रहेको आफन्तहरुले बताए ।
रोजगारीका लागि भारत गएका छोराको मृत्यु भएपछि अहिले घर परिवार शोकमा डुबेको छ । कलिलो उमेरमै बोहराको मृत्यु भएपछि घर परिवार शोकमा डुबेको हो ।
प्रकाशित मिति: मंगलबार, वैशाख ११, २०८१ १४:१९
प्रतिक्रिया दिनुहोस्
थप बैतडी
साताको लोकप्रीय
