सुर्नया गाउँपालिकाले ३० बेडको आइसोलेसन बनाउने
बैतडी–बैतडीको सुर्नया गाउँपालिकाले ३० बेडको आइसोलेसन सञ्चालनमा ल्याउने निर्णय गरेको छ । मंगलबार बसेको गाउँपालिकास्तरीय कोभीड संकट व्यवस्थापनको केन्द्रको बैठकले बासुलिंग स्वास्थ्यचौकीमा ३० बेडको आइसोलेसन बनाउने निर्णय गरेको हो ।
बासुलिंग स्वास्थ्यचौकीमा २२ बेडको आइसोलेसन यो भन्दा पहिला नै बनिसकेको र थप ८ बेडको बनाउने निर्णय भएको हो । यस्तै गाउँपालिकामा बाहिरबाट आउने संक्रमितहरुलाई अनिवार्य आइसोलेसनमा बस्ने व्यवस्था मिलाउने समेत निर्णय गरिएको छ ।
यस्तै बेलुका ८ बजेदेखि सुर्नया गाउँपालिकाका सबै पसलहरु बन्द गर्ने निर्णय समेत भएको छ । कोरोना भाईरसको संक्रमणबाट बच्नका लागि स्वास्थ्य सुरक्षाका मापदण्ड अपनाउन पनि सुर्नया गाउँपालिकाले सबैमा आग्रह गरेको छ ।
प्रकाशित मिति: बुधबार, वैशाख १५, २०७८ ०६:५६
प्रतिक्रिया दिनुहोस्
थप बैतडी
साताको लोकप्रीय
