डडेल्धुराको भागेश्वर गाउँपालिकामा कार्यरत एक कर्मचारीको निधन, बुधबार शोक बिदा
डडेल्धुरा –डडेल्धुराको भागेश्वर गाउँपालिकामा कार्यरत एक कर्मचारीको असामयिक निधनपछि गाउँपालिकाले बुधवार अर्थात् साउन १४ गते शोक बिदा दिने निर्णय गरेको छ ।
गाउँपालिकाको खानेपानी तथा सरसफाइ शाखामा कार्यरत टेक्निसियन ३७ बर्षीय कृष्णदत्त चटौतको उपचारका क्रममा मंगलबार निधन भएको हो ।
चौटतको निधनमा शोक व्यक्त गर्दै गाउँपालिकाले एक दिन शोक बिदा दिएको उल्लेख गरेको छ ।
गाउँपालिकाका प्रमुख प्रशासकीय अधिकृत लक्ष्मीदत्त भट्टले हस्ताक्षर गरेको सूचनामा बुधवारका दिन पालिका कार्यालय, सबै वडा कार्यालय, शिक्षण संस्था र मातहतका स्वास्थ्य संस्थाहरूमा अत्यावश्यक सेवाबाहेक सबै कामकाज बन्द रहने उल्लेख गरिएको छ ।
प्रकाशित मिति: मंगलबार, साउन १३, २०८२ १६:११
प्रतिक्रिया दिनुहोस्
साताको लोकप्रिय
