बैतडी–बैतडी सदरमुकामस्थित जगन्नाथ बहुमुखी क्याम्पसको स्वतन्त्र विद्यार्थी युनियनले कक्षा १२ को ग्रेड वृद्धि परीक्षाका लागि निशुल्क तयारी कक्षा सञ्चालन गर्ने भएको छ ।
कक्षा १२ को ग्रेड वृद्धि परीक्षामा सहभागी हुने विद्यार्थीहरुलाई लक्षित गरेर निशुल्क तयारी कक्षा सञ्चालन गर्न लागिएको स्ववियु सभापति रोशन भट्टले बताए ।
तयारी कक्षामा सहभागी हुन चाहने विद्यार्थीहरुलाई सोमबारसम्म नाम दर्ताका लागि समय तोकिएको स्ववियु सभापति भट्टले बताए । साउन २८ देखि निशुल्क तयारी कक्षा सञ्चालन गरिने सभापति भट्टले बताए ।
केही दिन अघिमात्रै प्रकाशित भएको कक्षा १२ को परीक्षाफलमा ननग्रेड आइ पूरक परीक्षामा सहभागी हुने तयारीमा रहेका विद्यार्थीहरुलाई लक्षित गरेर तयारी कक्षा सञ्चालन गरिन लागेको हो ।
राष्ट्रिय परीक्षा बोर्डले कक्षा १२ मा बढीमा दुई बिषयमा ननग्रेड ल्याएका परीक्षार्थीहरुका लागि भदौ २८ र २९ गते ग्रेड वृद्धि परीक्षाको मिति तय गरेको छ ।
