बैतडीको सुर्नयाकी एक किशोरी नदी किनारमा मृत फेला
बैतडी–बैतडीको सुर्नया गाउँपालिका घर भएकी एक किशोरी मृत फेला परेकी छन् ।
सुर्नया गाउँपालिका–५ मडकी १८ बर्षीया झरना दमाई सुर्नया नदी किनारमा शनिबार मृत फेला परेकी जिल्ला प्रहरी कार्यालय बैतडीका प्रवक्ता, प्रहरी निरीक्षक बलराम पाण्डेयले बताए ।
शुक्रबार घरबाट बजार जान्छु भनेर हिँडेकी झरना बेपत्ता भएकी थिइन् । उनको खोजीका लागि परिवारले प्रहरीलाई आग्रह गरेको थियो ।
बेपत्ताको झरनाको खोजी गर्दै जाँदा पाटन नगरपालिका–६ औजेउडास्थित सुर्नया नदी किनारमा उनको शव फेला परेको प्रहरीले जनाएको छ ।
घटनाका बिषयमा थप अनुसन्धान भइरहेको जिल्ला प्रहरी कार्यालयले जनाएको छ ।
प्रकाशित मिति: आइतबार, भदौ २२, २०८२ ०७:४२
प्रतिक्रिया दिनुहोस्
साताको लोकप्रिय
