बैतडी-  बैतडीमा आठ सय बढी जनाले मतदाता नमावलीमा नाम दर्ता गरेका छन् । निर्वाचन आयोगले दिएको मंसिर ५ सम्मको अन्तिम समय सम्ममा आठ सय बढीले मतदाता नमावलीमा नाम दर्ता गरेका हुन् । फागुन २१ गते हुने प्रतिनिधि सभाको निर्वाचनका लागि बैतडीमा ८०४ जनाले मतदाता नमावलीमा नाम दर्ता गरेको जिल्ला निर्वाचन कार्यालय बैतडी निमित्त प्रमुख पुरुषोत्तम जोशीले बताए ।

अन्तिम समय सिमा सम्म ५२९ पूरुष र २७५ महिलाले मतदाता नमावलीमा नाम दर्ता गरेको उनले बताए । जिल्ला निर्वाचन कार्यालय बैतडीको तथ्याङ्क अनुसार असोज ८ गते सम्म बैतडीमा १८ बर्ष उमेर पूरा भएका १ लाख ५४ हजार २१६ जना मतदाता रहेका छन् । जसमध्ये महिला ७६ हजार ८३४, पुरुष ७७ हजार ३८०जना र अन्य दुई जना रहेका छन्  । ८० प्रतिशत नया“ थपिएका मतदाता जेन–जी उमेर समुहका रहेका जिल्ला निर्वाचन कार्यालय बैतडीले जनाएको छ ।

गएको प्रतिनिधि सभा निर्वाचन २०७९ मा जिल्लामा एक लाख ५० हजार १५६ मतदाता रहेका थिए । एक मात्रै सङ्घीय निर्वाचन क्षेत्र रहेको बैतडीमा दुई वटा प्रदेश सभा सदस्य निर्वाचन क्षेत्र, १० वटा स्थानीय तह र ८४ वटा वडा रहेका छन् । सो निर्वाचनमा ७८ हजार ३६९ (५२ प्रतिशत) मत खसेको थियो । अघिल्लो प्रतिनिधि सभा निर्वाचनभन्दा आउने प्रतिनिधि सभा निर्वाचनमा मतदाता सङ्ख्या बढ्ने देखिएको छ ।