बैतडी–नेकपा एमालेको ११ औं महाधिवेशनका लागि बैतडीबाट १५ जना प्रतिनिधि सर्वसम्मत छनौट भएका छन् ।
एमालेको आज बसेको बैठकले जिल्लाबाट १५ जना प्रतिनिधि सर्वसम्मत रुपमा छनौट गरेको एमाले बैतडीका उपाध्यक्ष लोकेन्द्र भण्डारीले बताए ।
खुल्ला कलस्टरबाट सुरेन्द्रबहादुर पाल, चक्रबहादुर कार्की, नरेन्द्र बिष्ट, पुष्करराज जोशी, लोकेन्द्र भण्डारी र रामसिंह पुजारालाई छनौट गरिएको छ ।
यस्तै महिला कलस्टरबाट धाना धामी, शकुन्तला साउँद, पार्वती कार्की र सरस्वती कोली प्रतिनिधि छनौट भएका उपाध्यक्ष भण्डारीले जानकारी दिए ।
यस्तै दलित कलस्टरबाट नरेशकुमार विश्वकर्मा, सरस्वती नेपाली, बलभद्र दयाल र कालुराम सार्कीलाई प्रतिनिधि छनौट गरिएको छ ।
यस्तै युवा कलस्टरबाट गोविन्द गिरीलाई प्रतिनिधि छनौट गरिएको एमाले बैतडीले जनाएको छ ।
एमाले बैतडी आगामी महाधिवेशनमा केपी ओलीको पक्षमा रहेको उपाध्यक्ष भण्डारीले बताए । वर्तमान राजनीतिक परिस्थितीमा एमालेको अध्यक्षमा ओलीको विकल्प नभएको उनले बताए ।
