हाडनाता करणी मुद्दामा फरार बैतडीकी एक युवती पक्राउ
बैतडी –बैतडी प्रहरीले एकजना फरार प्रतिवादीलाई पक्राउ गरेको छ ।
जिल्ला अदालत बैतडीको फैसलाबाट हाडानाता करणी मुद्दामा एक बर्ष कैद सजाय तोकिएकी सिगास ९ की २६ बर्षीया राजमती धामीलाई प्रहरीले पक्राउ गरेको हो ।
फैसलापछि फरार रहेकी उनलाई प्रहरीचौकी गाँजरीबाट शनिबार दिउँसो खटिएको प्रहरी टोलीले घरबाटै पक्राउ गरेको जिल्ला प्रहरी कार्यालय बैतडीका प्रवक्ता, प्रहरी निरीक्षक बल्देव बडूले बताए ।
पक्राउ परेकी धामीलाई फैसला कार्यान्वयनका लागि आजै जिल्ला अदालतमा बुझाइने प्रहरी निरीक्षक बडूले बताए ।
प्रकाशित मिति: आइतबार, मंसिर १४, २०८२ ०९:०८
प्रतिक्रिया दिनुहोस्
साताको लोकप्रिय
