बैतडी- बैतडीको पञ्चेश्वर गाउँपालिका वडा न २ मा पुनः महाकाली प्रहरी चौकी स्थापना गरीएको छ । आइतबार देखि वडा न. २ स्थीत घणेला भन्ने स्थानमा सहायक प्रहरी निरीक्षक यज्ञ राज पाण्डे सहितको कमान्डमा ५ जनाको टोली खटिएको जिल्ला प्रहरी कार्यालय बैतडीका प्रवक्ता, प्रहरी निरीक्षक सुरज सिहले बताए ।
करिब दुइ वर्ष अगाडी पञ्चेश्वर गाउँपालिका–२ डिम्बरकी साढे १७ बर्षीया किशोरी बेपत्ता प्रकरणमा महाकाली प्रहरीचौकीका तत्कालिन इञ्चार्ज प्रहरी हवलदार कृष्णराज जोशी मुछिएपछि प्रहरीचौकी नै सारिएको थियो ।
घटना पछि स्थानियको बिरोध सँगै महाकाली प्रहरीचौकीको भाडामा लिएको भवन जीर्ण रहेको, ५ जनाभन्दा बढी बस्न नमिल्ने खालको भएको, बस्तीबाट अपायक ठाउँमा रहेको, सञ्चार सम्पर्क समेत नहुने भुगोल रहेकाले तत्कालका लागि अस्थायी रुपमा महाकाली प्रहरी चौकीलाई कुलाउ प्रहरी चौकीमा स्थानान्तरण गरिएको थियो ।
पछिल्लो समयमा महाकाली क्षेत्रमा कुलाउबाटै प्रहरीको टोली गस्तीमा जाने गरेको थियो । महाकाली नदीस्थति डिम्बर घाटबाट अवैध सामान आयत हुनसक्ने भएकाले गस्ती भने नयिमति हुने गरेको प्रहरी निरीक्षक सुरज सिहले बताए ।
महाकाली प्रहरी चौकी पुनः स्थापना भएसँगै स्थानिय ठाउँमा शान्ती सुरक्षा हुने र सिमा क्षेत्रमा हुने अबैध कार्य कम हुने बिश्वास गरिएको पञ्चेश्वर गाउँपालिकाका अध्यक्ष गोरख बहादुर चन्दले बताए ।
