डडेल्धुरा–डडेल्धुराको नवदुर्गा गाउँपालिकाका माध्यमिक विद्यालय स्तरका छात्रछात्रालाई कानूनी सचेतना तालिम प्रदान गरिएको छ ।
नवदुर्गा गाउँपालिका न्यायिक समितिद्वारा गाउँपालिकाभित्रका सात माध्यमिक विद्यालयहरुमा एक दिने कानूनी सचेतना प्रदान गरिएको हो ।
तालिममा नेपालको संविधान, नागरिक अधिकार, मौलिक हक तथा अधिकार, नागरिक कर्तव्य, बालविवाह कानूनी प्रावधान, जर्बजस्ती करणी र अपराधजन्य कानून, सम्बन्ध बिच्छेद, स्थानीय सरकार र स्थानीय न्यायिक समितिको जिम्मेवारीलगायत राज्यका विभिन्न तहले निर्माण गरेका कानून÷नियम÷ऐनका आधारभूत विषयवस्तुमा तालिम दिइएको छ ।
कक्षा ९ देखि १२ मा अध्ययन गर्ने छात्रछात्रालाई सहभागि गराई कानून व्यवसायीहरुबाट तालिम दिइएको हो ।
विद्यार्थीमाथि सार्वजनिक तथा घरेलु हिंसा बढिरहेकाले किशोरकिशोरी उमेरका विद्यार्थीलाई कानूनका बारेमा शिक्षित गर्नसके प्रभावकारी हुने गाउँपलिका उपाध्यक्ष तथा स्थानीय न्यायिक समितिका संयोजक डम्बरी ओलीले बताउनुभयो ।
#ईमेजखबर#
