बैतडीको दोगडाकेदारका विष्ट भारतको बेङ्गलोरमा बेपत्ता
बैतडी- बैतडीका एक युवक भारतको बेङ्गलोरमा बेपत्ता भएका छन् ।जिल्लाको दोगडाकेदार गाउँपालिका वडा नं ७ थाम घर भएका ३० वर्षिय बिरेन्द्र विष्ट तीन दिन देखि बेपत्ता रहेका हुन् ।
बेङ्गलोर सरदारजीका ढाबा रुपेना माडी वाला होटेलमा काम गर्दै आएका विष्ट तीन दिन देखि बेपत्ता रहेका आफ्नत नरेशसिंह विष्टले जानकारी दिए । उनका अनुसार तीन दिन पहिले कोठाबाट सरसफाइका लागि साबुन ल्याउछु भनेर निस्केका विष्ट अहिले सम्म सम्पर्कमा आएका छैनन् ।
काम गरिरहेको पुरानो ठाउँबाट अर्काे ठाउँ जाने तयारीका लागि साबुन लिन हिँडेका दाई अहिले सम्म नफर्केका बेपत्ता विष्टका भाइ भानि विष्टले बताए । विष्ट बेपत्ता भएपछि खोजि कार्यका लागि सबैलाई आग्रह गरिएको छ ।उनलाई कसैले कहिँ कतै देखे ९७३१५७७६८३ र ९९१६९१३६५० मोबाइल नम्बरमा सम्पर्क गरिदिन अनुरोध गरिएको छ।
प्रकाशित मिति: सोमबार, माघ २९, २०८० १४:५४
प्रतिक्रिया दिनुहोस्
साताको लोकप्रीय
