काठ्माण्डौँ १९ भदौ-यस बर्षको अन्र्तराष्ट्रिय युवा दिवस भव्यताका साथ मनाइने भएको छ । हरेक बर्ष अगष्ट १२ (साउन २८) गतेका दिन मनाइने युवा दिवस अन्तरगतका कार्यक्रमहरु सुरु भैसकेको राष्ट्रिय युवा परिषदले जनाएको छ ।

मंगलबार राष्ट्रिय युवा परिषदको कार्यालय सानोठिमी भक्तपूरमा आयोजीत पत्रकारहरु संगको अभिमुखिकरण कार्यक्रममा दिवस बारे जानकारी दिइएको हो । 

दिवस अन्तरगत यसबर्ष कलाकार अभिमुखिकरण, पत्रकार सम्मेलन, भिडियो निर्माण प्रतियोगिता, रक्तदान, लोकदोहोरी प्रतियोगीता, सहुलियत कर्जा बारे सरोकारवालासंग अन्तरक्रिया, वक्तित्वकला प्रतियोगीता, यौनिक तथा अल्पसंख्यक समूहको अन्तरक्रिया, बालिका तथा किशोरीको स्वास्थ्य र संरक्षणमा युवाको भुमिका बिषयक कार्यक्रम, अपांगता भएका युवाहरुको राजनितिक सहभागिता विषयक अन्तरक्रिया, युवा र उद्यमसिलता संवाद कार्यक्रम,  टिभिबाट युवाका लागी सन्देश प्रवाह, महामारीका सारथी युवा नामक पुस्तक प्रकाशन, नेपालमा युवाको वर्तमान अवस्था : चुनौति र अवसर विषयक सम्बाद कार्यक्रम, गिति एल्वम विमोचन लगायतका कार्यक्रम तय भएको राष्ट्रिय युवा परिषदका कार्यकारी उपाध्यक्ष माधव ढुंगेलले बताए ।

उनले भने‘औपचारीकताका लागी दिवस मनाउने होइन् । दिवसका अवसरमा दिइने सन्देश अत्यन्त महत्वपुर्ण छन् । सबै युवाहरुले त्यसको ग्रहण गर्नु जरुरी छ । दिवसमा हामीले हालसम्म गरेका कामहरुको बारेमा जानकारी दिनेछौँ ।’ राष्ट्रिय युवा परिषदले सिमित श्रोत साधनको उपयोगमा महत्वपुर्ण कामहरु गरेको उनको दावी छ । उपाध्यक्ष ढुंगेलले युवा हरुमा निराशा जगाउने खालका समाचार प्रकाशन तथा प्रशारण नगर्न पत्रकारहरुसंग आग्रह गरे ।