बैतडी-  बैतडीमा चितुवा पासोमा फसेको छ । जिल्लाको सिगास गाउँपालिका–२  धौलाडी , भिमराडीमा जंगली जनावरका लागी थापेको पासोमा चितुवा फसेको हो ।

स्थानीयले थापेको पासोमा अन्दाजी तीन बर्षको चितुवा फसेको डिभिजन वन कार्यालय बैतडीका प्रमुख भक्तराज गिरीले जानकारी दिए । गएराति नै चितुवा पासोमा परेको आज बिहान मात्रै जानकारी आएको उनले बताए  ।

अहिले  सिगास सब डिभिजन बन कार्यालय गाजरीबाट उक्त क्षेत्रमा टोलि खटिएको छ । चितुवाको अगाडि पट्टीको दायाँ खुट्टा पासो फसेको सिगास सब डिभिजन बन कार्यालय गाजरीका रेन्जर चन्द्र सिह धामीले बताए ।

चितुवाको उद्धारका लागि राष्ट्रिय प्रकृति संरक्षण कोष शुक्लाफाँटा, कञ्चनपुरको टोलीसंग समन्वय भैरहेको डिभिजन वन कार्यालय बैतडीले जनाएको छ ।