बैतडी –नेपाली कांग्रेस बैतडीले आगामी अधिवेशनको तयारी स्वरुप पालिका बैठकको मिति तय गरेको छ । १० ओटै पालिका समिति र ८४ ओटै वडा समितिलाई पत्राचार गर्र्दै बैठकको आयोजना गर्न आग्रह गरेको हो ।
कांग्रेसको १५ औं महाधिवेशनलाई सम्पन्न गर्न तल्ला तहको अधिवेशन समयमै गर्नुपर्ने भएकाले पालिका समिति बैठकको आयोजना गरिएको नेपाली कांग्रेस बैतडीका सचिव देवराज जोशीले बताए ।
पालिका समितिका बैठकमा नयाँ क्रियाशील सदस्यता वितरण र पार्टीको तल्लो तहको अधिवेशनका बिषयमा छलफल हुने सचिव जोशीले बताए ।
पाटन नगर कार्यसमितिको बैठक पौष ४ गते पाटन बिहान साढे ९ बजे र मेलौली नगर कार्यसमितिको बैठक पौष ४ गते मेलौलीमा दिउँसो डेढ बजे राखिएको छ ।
यस्तै पौष गते बिहान साढे ९ बजे पञ्चेश्वर गाउँकार्यसमिति र दिउँसो डेढ बजे शिवनाथ गाउँ कार्यसमितिको बैठक राखिएको नेपाली कांग्रेसले जनाएको छ ।
यस्तै पौष ६ गते बिहान साढे ९ बजे सिगास गाउँ कार्य समिति र दिउँसो २ बजे पुर्चौंडी नगर कार्यसमितिको बैठक राखिएको छ ।
यस्तै पौष ७ गते बिहान साढे ९ बजे सुर्नया गाउँकार्य समिति र दिउँसो डेढ बजे दोगडाकेदार गाउँ कार्यसमितिको बैठक बस्ने कांग्रेसले जनाएको छ ।
यस्तै पौष ८ गते बिहान साढे ९ बजे डिलाशैनी गाउँ कार्यसमिति र पौष ९ गते बिहान ११ बजे दशरथचन्द नगर कार्यसमितिको बैठक आयोजना गरिने बताइएको छ ।
