बैतडी –नेकपा एमालेको ११ औं राष्ट्रिय महाधिवेशनबाट बैतडीका तीन जना नेता केन्द्रीय सदस्यमा निर्वाचित भएका छन् ।
दामोदर भण्डारी, लिलाधर भट्ट र गोविन्द गिरी एमालेको केन्द्रीय सदस्यमा निर्वाचित भएका एमाले सुदूरपश्चिम प्रदेश कमिटि सदस्य बलभद्र दयालले जानकारी दिए ।
दामोदर भण्डारी १ हजार ३२५ मत ल्याएर खुला केन्द्रीय सदस्यमा विजयी भएका हुन् भने लिलाधर भट्ट १ हजार १५० मत ल्याएर सुदूरपश्चिम भुगोलबाट खुला केन्द्रीय सदस्यमा विजयी भएका हुन् ।
यस्तै गोविन्द गिरी १ हजार ५५५ मत ल्याएर सुदूरपश्चिम भुगोलबाट यूवा केन्द्रीय सदस्यमा विजयी भएका हुन् ।
भण्डारी र भट्ट यसअघि पनि एमालेको केन्द्रीय सदस्य भएर काम गरिसकेका व्यक्ति हुन् ।
गिरी भने अनेरास्ववियुबाट पछिल्लो पटक पार्टीमा आएका प्रदेश कमिटि सदस्य दयालले बताए । बैतडीबाट केन्द्रीय समितिमा तीन जनाले उम्मेदवारी दिएको र तिनै जना विजयी भएका दयालले बताए ।
