बैतडीबाट चरेश मुद्दाका फरार प्रतिवादी पक्राउ
बैतडी–बैतडीबाट चरेश मुद्दाका फरार एक जना पक्राउ परेका छन् ।
जिल्लाको पुर्चौंडी नगरपालिका ४ का जयबहादुर धानुकलाई बिहीबार उनकै घरबाट पक्राउ गरिएको जिल्ला प्रहरी कार्यालय बैतडीका प्रवक्ता, प्रहरी निरीक्षक बल्देव बडूले बताए ।
जिल्ला अदालत दार्चुलाको २०८१ असार ५ गतेको फैसला अनुसार धानुकलाई लागु औषध चरेश मुद्दामा १ बर्ष ८ महिना २२ दिन कैद सजाय र १५ हजार रुपैयाँ जरीवाना तोकिएको थियो ।
सोही फैसला कार्यान्वयनको सिलसिलामा धानुकलाई पक्राउ गरिएको जिल्ला प्रहरी कार्यालय बैतडीले जनाएको छ ।
पक्राउ परेका धानुकलाई डडेल्धुरा कारागार चलान गरिएको प्रहरी निरीक्षक बडूले बताए ।
प्रकाशित मिति: शुक्रबार, पुस ४, २०८२ ०९:२२
प्रतिक्रिया दिनुहोस्
साताको लोकप्रिय
