बैतडी –नेपाली कांग्रेस बैतडीले पाटन र मेलौलीमा बैठक सम्पन्न गरेको छ ।
आगामी महाधिवेशनलाई लक्षित गरेर पालिकास्तरीय बैठक सञ्चालन गर्ने योजना अनुसार आज पाटन र मेलौलीमा बैठक सम्पन्न गरिएको नेपाली कांग्रेस बैतडीका सचिव देवराज जोशीले बताए ।
सुदूरपश्चिम प्रदेश कार्यसमितिको निर्देशन अनुसार पालिकाहरुमा बैठक सञ्चालन गर्ने कार्य भइरहेको सचिव जोशीले बताए ।
दुवै ठाउँमा भएका बैठकमा तल्लो तहको अधिवेशन, नयाँ क्रियाशील सदस्यता वितरण, पार्टीका गतिविधि चलायमान बनाउने बिषयमा छलफल भएको सचिव जोशीले बताए ।
बैठकमा नेपाली कांग्रेस बैतडीका सभापति चतुरबहादुर चन्द, उपसभापति खगेन्द्रसिंह धामी, सचिवद्वय प्रेमबहादुर चन्द र देवराज जोशी, पूर्व सभापति नरेन्द्रसिंह थापा लगायतका नेता कार्यकर्ताहरुको सहभागिता रहेको थियो ।
यस्तै सम्बन्धित पालिका समितिका पदाधिकारी र सदस्यहरु, महाधिवेशन प्रतिनिधि, प्रदेश क्षेत्रीय प्रतिनिधि, पार्टीका क्रियाशील सदस्यहरुको समेत बैठकमा सहभागिता रहेको थियो ।
