सुर्नयाका विद्यालयमा आइतबार स्थानीय सार्वजनिक बिदा
बैतडी–बैतडीको सुर्नया गाउँपालिकाभित्रका सबै विद्यालयहरुमा आइतबार अर्थात भोलि स्थानीय सार्वजनिक बिदा दिइएको छ ।
गाउँपालिकास्तरीय राष्ट्रपति रनिङ शिल्डको समापन कार्यक्रममा विद्यालयहरुको सहभागितालाई ध्यानमा राखेर पालिकाभरीका सबै सामुदायिक तथा संस्थागत विद्यालयहरुमा आइतबार सार्वजनिक बिदा रहने गाउँपालिकाले जारी गरेको सूचनामा उल्लेख गरिएको छ ।
सुर्नया गाउँपालिकाको वडा नं ५ स्थित रौलेश्वर मावि रामकी बरायलमा यही पौष १० गतेदेखि पालिकास्तरीय राष्ट्रपति रनिङ शिल्ड प्रतियोगिता सञ्चालनमा रहेको छ । उक्त प्रतियोगिताको भोलि समापन हुँदैछ ।
प्रतियोगितामा पालिकाभरीका १३ ओटा माध्यमिक विद्यालयहरुको सहभागिता रहेको छ ।
प्रकाशित मिति: शनिबार, पुस १२, २०८२ १८:१३
प्रतिक्रिया दिनुहोस्
साताको लोकप्रिय
