विप्लव नेतृत्वको माओवादी चुनावमा सहभागी हुँदै, बैतडीबाट दुई जनाको नाम सिफारिश
बैतडी–विप्लव नेतृत्वको नेपाल कम्युनिष्ट पार्टी (माओवादी) पहिलो पटक चुनावमा सहभागी हुने भएको छ ।
आगामी फागुन २१ गते हुने प्रतिनिधि सभाको निर्वाचनका लागि बैतडीबाट दुई जना उम्मेदवारको नाम केन्द्रमा सिफारिश गरेको छ ।
पार्टीको जिल्ला कमिटि बैठकले प्रत्यक्षतर्फ जिल्ला इञ्चार्ज रामबहादुर कुँवर र शंकरसिंह महराको नाम सिफारिश गरेको हो । केन्द्रले एकजनालाई उम्मेदवार बनाउने जिल्ला इञ्चार्ज कुँवरले बताए ।
यसअघि समानुपातिकतर्फ भगवती महराको नाम सिफारिश गरिसकेको उनले बताए । विप्लव नेतृत्वको नेपाल कम्युनिष्ट पार्टी (माओवादी) गुलाबको फूल चुनाव चिन्ह लिएर निर्वाचनमा होमिने कुँवरले बताए ।
प्रकाशित मिति: आइतबार, पुस २७, २०८२ १८:०१
प्रतिक्रिया दिनुहोस्
साताको लोकप्रिय
