कञ्चनपुरमा बसको ठक्करबाट बैतडीका एक जनाको मृत्यु
बैतडी –कञ्चनपुरमा बसले ठक्कर दिँदा बैतडीका एक जनाको मृत्यु भएको छ ।
बुधबार कञ्चनपुरको पुनर्वास नगरपालिका–११ डोकबजारस्थित हुलाकी सडकखण्डमा सु.प.प्र ०१–००१ ख ३५४६ नम्बरको बसले बैतडीको मेलौली नगरपालिका–९ रोकटाका ४० बर्षीय भरतबहादुर चन्दलाई ठक्कर दिँदा गम्भीर घाइते भएका थिए ।
घाइते भएका चन्दको उपचारका क्रममा सेती प्रादेशिक अस्पताल धनगढीमा मृत्यु भएको जिल्ला प्रहरी कार्यालय कञ्चनपुरले जनाएको छ ।
बस र बसका चालक कैलालीका गोदावरी नगरपालिका–१ डाँडाटोल बस्ने ३१ बर्षीय पुष्कर साउँदलाई प्रहरीले नियन्त्रणमा लिएको छ । घटनाका बिषयमा थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ ।
प्रकाशित मिति: बिहीबार, साउन २८, २०८३ १०:५५
प्रतिक्रिया दिनुहोस्
साताको लोकप्रिय
