कैलालीमा रुखबाट लडेर एक महिलाको मृत्यु
कैलाली –कैलालीमा रुखबाट लडेर एक महिलाको मृत्यु भएको छ ।
जिल्लाको गौरीगंगा नगरपालिका–६ बनबेहडाकी पार्वती साउँदको घाँस काट्ने क्रममा रुखबाट लडेर मृत्यु भएको प्रहरीले जनाएको छ ।
हिजो दिउँसो घर नजिकैको बारवन सामुदायिक वनमा घाँस काट्न गएकी साउँद साँझसम्म घर नफर्केपछि आफन्तहरुले खोजी गरेका थिए । खोजी गर्दै जाँदा उनी रुखबाट लडेर मृत्यु भएको अवस्थामा शनिबार बिहान ९ बजेतिर फेला परेकी प्रहरीले जनाएको छ ।
घटनाका बिषयमा थप अनुसन्धान भइरहेको कैलाली प्रहरीले जनाएको छ ।
प्रकाशित मिति: शनिबार, असोज १०, २०८३ १२:०१
प्रतिक्रिया दिनुहोस्
साताको लोकप्रिय
