बैतडी- बैतडीको सुर्नया गाउँपालिकामा करार कर्मचारी माथि छानविन सुरु भएको छ । गाउँपालिकाका अध्यक्ष अम्मर बहादुर कुवँरले अवैधानिक कर्मचारि रहेका भन्ने व्यापक गुनासो पछि कर्मचारी माथि छानविन सुरु गरिएको बताएका हुन् ।
सगुन खबर संग कुरा गर्दै उनले कुन वडामा कति जना रहेका छन् भन्ने कुराको यकिन जानकारीका लागि तथ्याँक सकंलन संगै छानविन प्रकृया अगाडि बढाएको बताए । अवैधानिक तरिकाले नियुक्ती गरिएका कर्मचारी पाइए हटाइने अध्यक्ष कुवँरले बताए ।
सुर्नया गाउँपालिकाभित्र अवैधानिक कर्मचारिहरु रहेका भन्दै हटाउन माग गरिएको छ । कर्मचारी खारेजिको माग गर्दै गत शुक्रबार जिल्ला प्रशासन कार्यालयमा निवेदन दर्ता भएको छ ।
स्थानीय युवा प्रकाश भट्टले अवैधानिक कर्मचारी खारेजिको माग गर्दै निवेदन गर्दा गराएका हुन् । गाउँपालिका र प्रशासनमा निवेदन परेपछि अहिले अध्यक्ष कुवँरले हटाउने प्रकृया थालिसकेको बताएका छन् ।