बर्षाका कारण बैतडीको ढोल्यामोड –हाट सडकमा गाडी चलाउन मुस्किल

बैतडी

गृहपृष्ठ
बैतडी

बर्षाका कारण बैतडीको ढोल्यामोड –हाट सडकमा गाडी चलाउन मुस्किल

सगुन खबर मंगलबार, असार २१, २०७९

फोटो : हिलोमा फसेको बस धकेल्दै यात्रुहरु

बैतडी –लगातारको बर्षाका कारण बैतडीको ढोल्यामोड–हाट सडक हिलाम्य भएको छ । पुर्चौंडी नगरपालिकाको केन्द्र जोड्ने सडक हिलाम्य हुँदा यातायातका साधन सञ्चालनमा कठीनाइ भएको छ ।

ढोल्यामोडदेखि हाट सम्मको सडकको ठाउँठाउँमा पहिरो खस्दा सवारी साधन सञ्चालनमा मुस्किल भएको यातायात व्यवसायीहरुले बताएका छन् । कच्ची सडक भएकाले सडक हिलाम्य हुँदा जिप तथा बस सञ्चालनमा समस्या भएको स्थानीय पुरनसिंह ऐरले बताए । उनले भने ‘सडक हिलाम्य हुँदा जोखिमपूर्ण यात्रा गर्नुपरीरहेको छ । यसले दुर्घटनाको जोखिम समेत बढ्दै गएको छ ।’

ढोल्यामोडदेखि हाट सम्मको सडकमा यात्रा गर्न निकै सकस रहेको स्थानीय लालबहादुर भण्डारीले बताए । सडक हिलाम्य हुँदा गाडी फस्दा यात्रुहरुले धकेलेर निकाल्नुपर्ने अवस्था रहेको उनले बताए ।

ढोल्यामोड–हाट सडक पुर्चौंडी नगरपालिका जोड्ने मुख्य सडक समयमै स्तरोन्नती नहुँदा यात्रुहरुले सास्ती भोग्दै आएका छन् ।

जिल्लाको सतबाँझ–श्रीभावर–हाट सडकलाई प्रदेश गौरवको आयोजनाको रुपमा राखिएको भएपनि स्तरोन्नतीको काम सुस्त गतिमा रहेको छ । सो सडकको दुई ठाउँबाट स्तरोन्नती भइरहेको छ ।

प्रकाशित मिति: मंगलबार, असार २१, २०७९ १४:५१