असिनापानीले गहुँबाली र तरकारीमा क्षति
बैतडी –मंगलबार साँझ परेको असिनापानीले बैतडीका विभिन्न ठाउँमा क्षति पुर्याएको छ ।
हावाहुरीसहित परेको असिनापानीले जिल्लाको डिलाशैनी गाउँपालिका र पुर्चौंडी नगरपालिकाका विभिन्न ठाउँमा गहुँबाली,जौंबाली, तरकारी र फलफूलमा क्षति पुर्याएको स्थानीयहरुले बताएका छन् ।
मंगलबार साँझ परेको असिनापानीले गहुँबाली, फलफूल र तरकारीमा व्यापक क्षति पुर्याएको पुर्चौंडीका स्थानीय विजय पन्तले बताए । पुर्चौंडी नगरपालिकाको वडा नं १, २ र ४ का विभिन्न स्थानमा असिनापानीले क्षति पुर्याएको उनले बताए ।
असिनापानीले फूल्नै लागेका फलफूलमा बढी क्षति पुर्याएको छ । यस्तै तरकारीबालीमा समेत व्यापक क्षति पुर्याएको पन्तले बताए ।
प्रकाशित मिति: बुधबार, फागुन २७, २०८२ १६:२७
प्रतिक्रिया दिनुहोस्
साताको लोकप्रिय
