काठमाण्डौंबाट दार्चुला आउँदै गरेको बस दुर्घटना
बैतडी –काठमाण्डौंबाट दार्चुला आउँदै गरेको यात्रुवाहक बस शनिबार साँझ दुर्घटना भएको छ ।
काठमाडौँबाट दार्चुलातर्फ आउँदै गरेको सुदूरपश्चिम प्रदेश ०१–००१ ख १३०१ नम्बरको बस कैलालीको घोडाघोडी नगरपालिका–१ सुखड नजिक अनियन्त्रित भई दुर्घटनामा परेको हो ।
सडकमा हिँडिरहेका पैदलयात्रीलाई जोगाउने क्रममा बस नियन्त्रण बाहिर गएको प्रहरीले जनाएको छ । दुर्घटनामा परी ५५ बर्षीय स्थानीय भक्तबहादुर बटाला घाइते भएका छन् । उनको सुखडस्थित अस्पतालमा उपचार भइरहेको छ ।
बसमा सवार केही यात्रुहरू पनि सामान्य घाइते भएका छन् र उनीहरूको स्थानीय अस्पतालमा उपचार भइरहेको इलाका प्रहरी कार्यालय सुखडले जनाएको छ ।
प्रकाशित मिति: शनिबार, चैत ७, २०८२ २१:४२
प्रतिक्रिया दिनुहोस्
साताको लोकप्रिय
