अनमीमाथि कुटपिट गर्ने लुहारविरुद्ध ज्यान मार्ने उद्योगमा मुद्दा दर्ता
बैतडी –आफ्नै सहकर्मीमाथि कुटपिट गर्ने बैतडीको पुर्चौडी–७ स्थित कोटिला स्वास्थ्यचौकीका इन्चार्ज सुमन लुहारविरुद्ध ज्यान मार्ने उद्योगमा मुद्दा दर्ता भएको छ । लुहारले आफ्नै कार्यालयमा कार्यरत अनमी माया भट्टलाई गएको आइतबार धनगढी–१ स्थित अदालत रोडमा कुटपिट गरेका थिए ।
कुटपिटबाट माया भट्टको टाउको र हातमा चोट लागेको छ । लुहारले इट्टाले आफूलाई प्रहार गरेको भट्टले बताइन् ।
कुटपिट लगत्तै पक्राउ परेका लुहार अहिले कैलाली प्रहरीको हिरासतमा छन् । लुहारविरुद्ध पीडित भट्टले ज्यान मार्ने उद्योगमा मुर्दा गरेको कैलाली प्रहरी प्रवक्ता डिएसपी योगेन्द्र तिमिल्सिनाले बताए ।
अदालतबाट म्याद थप गरी लुहारमाथि आवश्यक अनुसन्धान भइरहेको प्रहरीले जनाएको छ ।
प्रकाशित मिति: मंगलबार, चैत २४, २०८२ १६:५८
प्रतिक्रिया दिनुहोस्
साताको लोकप्रिय
