नेकपा (एस)को सुदूरपश्चिम संसदीय दलको नेतामा सोडारी चयन
कैलाली –माधवकुमार नेपाल नेतृत्वको नेकपा (एकीकृत समाजवादी)ले सुदूरपश्चिम प्रदेश संसदीय दलको नेतामा भौतिक पूर्वाधार विकास मन्त्री दीर्घबहादुर सोडारी चयन भएका छन् ।
नेकपा एमाले विभाजन भएपछि मंगलबार धनगढीमा बसेको संसदीय दलको बैठकले सोडारीलाई दलको नेता चयन गरेको आन्तरिक मामिला तथा कानुन मन्त्री पूर्णा जोशीले जानकारी दिइन् ।
नेकपा एमाले छाड्दै १४ जना सुदूरपश्चिम प्रदेशसभा सदस्यले नेकपा (एकीकृत समाजवादी) रोजेका थिए । यसअघि सोमबार बसेको दलको पहिलो बैठकले वर्तमान प्रदेश सरकारलाई दिएको समर्थन यथावत राख्ने निर्णय गरेको थियो ।
प्रकाशित मिति: मंगलबार, भदौ २९, २०७८ १८:४०
प्रतिक्रिया दिनुहोस्
साताको लोकप्रीय
